Green Fab Lab

Нашето училиште доби нов простор за креативност и технолошки развој – Green Fab Lab, лабораторија која ги поттикнува учениците да учат преку практична и еко-ориентирана работа.
Овој значаен чекор претставува дел од Еразмус+ проектот „Green FAB LABs“, кој се реализира под водство на Фондација CEED Македонија во соработка со партнер-училишта од Грција и Полска. Проектот има за цел да го поддржи STEM образованието преку отворање на училишни лабаратории како и да поттикне примена на современи наставни методи, меѓу кои и учење базирано на проблем (PBL) и design thinking пристапот.

Green Fab Lab претставува простор каде учениците ќе можат:
•да учат преку практична работа,
•да развиваат еко-иновативни идеи,
•да креираат прототипи,
•да работат со нови технологии,
•да ја зголемат својата еколошка свест и одговорност.

Со отворањето на лабораторијата, нашето училиште стапува на чекор поблиску до создавање модерна, инклузивна и еколошки ориентирана образовна средина. Овој простор ќе биде место каде креативноста, технологијата и одржливите практики се спојуваат во корист на учениците и наставниците.

СУГС „Георги Димитров“ со гордост продолжува да вложува во развој на младите, обезбедувајќи им услови за учење што одговараат на потребите и предизвиците на 21 век.